- Cambodia
- Job Search
- Jobs in Prey Veng
- BongThom.com Jobs
- គ្រូបង្រៀនមុខវិជ្ជាភាសាបារាំង
Job vacancy គ្រូបង្រៀនមុខវិជ្ជាភាសាបារាំង
គ្រូបង្រៀនមុខវិជ្ជាភាសាបារាំង
អង្គការសកម្មភាពសម្រាប់ការអប់រំនៅកម្ពុជា គឺជាអង្គការក្នុងស្រុកមួយដែលសហការជាដៃគូជិតស្និទ្ធជាមួយ ក្រសួងអប់រំ យុវជន និងកីឡាក្រោមជំនួយហិរញ្ញប្បទានពីក្រសួងសេដ្ឋកិច្ច និងហិរញ្ញវត្ថុ ដើម្បីអនុវត្តកម្មវិធីសាលារៀនជំនាន់ថ្មីនៅវិទ្យាល័យ ព្រែកលៀប វិទ្យាល័យ ព្រះស៊ីសុវត្ថិ រាជធានីភ្នំពេញ, វិទ្យាល័យ ហ៊ុន សែន កំពង់ចាម វិទ្យាល័យ ហ៊ុន សែន ពាមជីកង ខេត្ត កំពង់ចាម, វិទ្យាល័យគោកព្រីង ខេត្ត ស្វាយរៀង, វិទ្យាល័យ សម្តេចអគ្គមហាធម្មពោធិសាល ជា ស៊ីម ព្រែកអញ្ចាញ ខេត្ត កណ្តាល និងសាលាបឋមសិក្សាចំនួន០៤ផ្សេងទៀត។ កម្មវិធីសាលារៀនជំនាន់ថ្មីគឺជាផ្នែកមួយនៃកម្មវិធីកំណែទម្រង់ថ្មីរបស់ក្រសួងអប់រំ យុវជន និងកីឡា ដែលនឹងកែលម្អគុណភាពអប់រំ និងអភិបាលកិច្ចល្អនៅក្នុងវិស័យអប់រំ។ ថ្មីៗនេះកម្មវិធីបានពង្រីកវិសាលភាពរបស់ខ្លួនហើយបានរៀបចំបង្កើតឱ្យមានសាលារៀនជំនាន់ថ្មីពីរ បន្ថែមទៀតគឺ អនុវិទ្យាល័យ អារញ្ញរង្សី ខេត្ត សៀមរាប និងវិទ្យាល័យ ព្រះអង្គឌួងខេត្ត ព្រៃវែង។ ស្របពេលដែលប្រទេស កំពុងអភិវឌ្ឍន៍រាជរដ្ឋាភិបាលបានកំណត់ និងត្រូវដាក់បញ្ចូលកម្មវិធីសិក្សាភាសាបារាំងទៅក្នុងកម្មវិធីសិក្សាចំណេះទូទៅ ទូទាំងប្រទេសដូចនេះកម្មវិធីសាលារៀនជំនាន់ថ្មីត្រូវការជ្រើសរើសលោកគ្រូ-អ្នកគ្រូ និងជាគ្រូបង្រៀនដែលកំពុងបង្រៀន (តែងតាំងស៊ប់) និងគ្រូដែលទើបបញ្ចប់វគ្គបណ្ដុះបណ្ដាលពីវិទ្យាស្ថានជាតិអប់រំ(NIE) និងវិទ្យាស្ថានគរុកោសល្យ ដែលមានសមត្ថភាពខ្ពស់សម្រាប់មុខវិជ្ជា និងតាមសាលារៀនដូចខាងក្រោម៖
ឈ្មោះសាលារៀន
- វិទ្យាល័យ ព្រះអង្គឌួង៖ ០១នាក់ ព្រៃវែង
- អនុវិទ្យាល័យ អារញ្ញរង្សី៖ ០១នាក់ សៀមរាប
- វិទ្យាល័យ ហ៊ុន សែន ពាមជីកង៖ ០១នាក់ កំពង់ចាម
- វិទ្យាល័យ ព្រែកលៀប៖ ០១នាក់ ភ្នំពេញ
- វិទ្យាល័យ គោកព្រីង៖ ០១នាក់ ស្វាយរៀង
- វិទ្យាល័យ ព្រែកអញ្ចាញ៖ ០១នាក់ កណ្តាល
- វិទ្យាល័យ ហ៊ុន សែន កំពង់ចាម៖ ០១នាក់ កំពង់ចាម
- វិទ្យាល័យ ព្រះស៊ីសុវត្ថិ៖ ០១នាក់ ភ្នំពេញ
- វិទ្យាល័យ ព្រះយុគន្ធរ៖ ០១នាក់ ភ្នំពេញ
- សាលាបឋមសិក្សា ស្វាយព្រហូត៖ ០១នាក់ ស្វាយរៀង
- សាលាបឋមសិក្សា ព្រះរាជអគ្គមហេសី៖ ០២នាក់ កំពង់ស្ពឺ
- សាលាបឋមសិក្សា អង្គរបាន៖ ០១នាក់ កំពង់ចាម
- សាលាបឋមសិក្សា អនុវត្តន៍ ហ៊ុនសែន៖ ០១នាក់ កំពង់ចាម
ឱកាស និងអត្ថប្រយោជន៍៖
- គ្រូដែលជ្រើសរើសនឹងទទួលបានកុំព្យូទ័រយួរដៃមួយគ្រឿងសម្រាប់ធ្វើការងារនៅក្នុងកម្មវិធីនេះ។
- ទទួលបានការបណ្ដុះបណ្ដាលស្ដីពីការប្រើប្រាស់ ICT នៅក្នុងវិស័យអប់រំ និងគរុកោសល្យបង្រៀនថ្មីៗស្របតាមគោលនយោបាយគន្លងអាជីពគ្រូបង្រៀន។
- ការពង្រឹងសមត្ថភាពក្នុងអាជីពគ្រូបង្រៀនដើម្បីឆ្លើយតបនឹងសមាហរណកម្មអាស៊ាននិងតម្រូវការអប់រំស្របតាមគោលវិធីអប់រំនៅសតវត្សរ៍ទី២១។
- ទទួលបានប្រាក់លើកទឹកចិត្តបន្ថែមក្នុងការបំពេញការងារ លើប្រាក់បៀវត្សដែលមានស្រាប់ក្នុងកំឡុងពេលធ្វើការងារ (មិនមានការឧបត្ថម្ភនៅពេលវិស្សមកាលទេ) និងប្រាក់ឧបត្ថម្ភតាមភារកិច្ចផ្សេងៗទៀត អាស្រ័យលើទំហំការងារបន្ថែម។
- មានឱកាសទទួលបានអាហារូបករណ៍សម្រាប់បន្ដការសិក្សានៅគ្រឹះស្ថានឧត្ដមសិក្សានានាក្នុងព្រះរាជាណាចក្រ កម្ពុជា និងឱកាសបានចូលទស្សនកិច្ចសិក្សាក្នុងប្រទេស និងក្រៅប្រទេស។
លក្ខន្ដិកៈ៖
- គ្រូដែលជ្រើសរើសនឹងមិនត្រូវបានអនុញ្ញាតឱ្យបង្រៀនកួរឯកជនចំពោះសិស្សរបស់ខ្លួនឡើយ ទោះជាក្នុងរូបភាពណាក៏ដោយ។
- ត្រូវបំពេញការងារក្នុងការបង្រៀនយ៉ាងតិច ២០ម៉ោងក្នុងមួយសប្ដាហ៍។
- មិនអនុញាតឱ្យលក់សំណៅឯកសារផ្សេងៗដល់សិស្ស។
- គ្រូទាំងអស់នឹងត្រូវវាយតម្លៃដោយក្រុមប្រឹក្សាភិបាលសាលារៀនជំនាន់ថ្មីជារៀងរាល់ឆ្នាំ ដើម្បីបន្ដកិច្ចសន្យានៅឆ្នាំបន្ដបន្ទាប់។
- មានគំនិតផ្តួចផ្តើមក្នុងការច្នៃប្រឌិត និងបង្កើតថ្មី។
Requirements
- លក្ខណៈសម្បតិ្ត៖
- ជាគ្រូបង្រៀនដែលបង្រៀនក្នុងក្របខណ្ឌរដ្ឋ (គ្រូកម្រិតឧត្តម) ដែលកំពុងបង្រៀននៅគ្រឹះស្ថានសិក្សានានា នៅក្នុងព្រះរាជាណាចក្រកម្ពុជា។
- ជាគ្រូដែលទើបនឹងបញ្ចប់វគ្គបណ្ដុះបណ្ដាលពីវិទ្យាស្ថានជាតិអប់រំនិងវិទ្យាស្ថានគរុកោសល្យត្រូវបានលើកទឹកចិត្ត
- ត្រូវមានឆន្ទៈខ្ពស់ក្នុងការបំពេញការងារបានល្អប្រសើរក្នុងការពង្រឹងសមត្ថភាពស្របតាមគន្លងអាជីពគ្រូបង្រៀន និងកម្មវិធីកំណែទម្រង់វិស័យអប់រំរបស់ក្រសួងអប់រំ យុវជន និងកីឡា។
- មានសមត្ថភាព និងទេពកោសល្យខ្ពស់ក្នុងបច្ចេកទេសបង្រៀន ការគ្រប់គ្រងសិស្ស ចំណេះដឹងក្នុងការដោះស្រាយបញ្ហា និងការស្រាវជ្រាវតាមប្រព័ន្ធ ICT។
- មានភាពច្នៃប្រឌិត បង្កើតថ្មី រៀបចំក្លឹបសិក្សា និងការងារគម្រោង។
BongThom.com Jobs
View all 205 Jobs
WORK AT